Ministri i Brendshëm, Taulant Balla ka marrë pjesë në aktivitetin kushtuar “ Tetorit Rozë” në Fier.
Në një prononcim për mediat ka thumbuar dhe aksionin më të fundit opozitar për një skenar të mosbindjes civile. Balla e ka cilësuar ketë lëvizje të 26 deputeteve të ish-kryeministrit Sali Berisha si një skenar të dështuar i cili duhet kaluar në heshtje, i cili është i njohur edhe më parë me po të njëjtin autor që i përngjan veçse një libri të lexuar me dhjetë herë.
Ministri i Brendshëm e ka cilësuar opozitën e sotme të ndarë në shumë pjesë, që ka një destinacion njësoj si kali i zi në betejat pa fitore.
Ndërkohe për Ballën duke iu referuar shifrave të larta të përdoruesve të drogës tek të rinjtë , shqetësim mbetet mungesa e qendrave të rehabilitimit të vartësve te drogës teksa ka theksuar se për këtë qellim do të rishikohet një buxhet i posaçëm për ngritjen dhe funksionimin e tyre ne çdo rreth.
E pranishme në këtë aktivitet, ka qene dhe ministrja e shëndetësisë Albana Koçiu e cila ka hedhur poshtë akuzat e opozitës për mungese të medikamenteve në spitalin onkologjik për të sëmurët e diagnostikuar me kancer.
