Edhe gjashtë ditë kanë mbetur për përfundimin e afatit të regjistrimit për të marrë pjesë në Maratonën e Tiranës. Organizuesit bëjnë me dije se regjistrimet mbyllen në 13 Tetor, ora 00:00 ndërsa u bëjnë thirrje të gjithë të apasionuarve pas sportit apo që duan të lobojnë për një kauzë të nxitojnë të regjistrohen dhe të mos e humbasin mundësinë për të qenë pjesë e Maratonës së Tiranës 2023.
Maratona e Tiranës është eventi më i madh sportiv në Tiranë, i organizuar për vitin e shtatë radhazi në 22 Tetor 2023. Këtë vit Maratona e Tiranës mirëpret më shumë se 5,000 pjesëmarrës jo vetëm nga Shqipëria, por gjithashtu dhe nga vende të huaja, gati për të sfiduar veten dhe për të arritur momente të rëndësishme në jetët e tyre. Maratona e Tiranës është një manifestim për një jetesë të shëndetshme.
Linku i regjistrimeve: https://tiranamarathon.com/
