Bashkëthemeluesi i Microsoft, Bill Gates thotë se në të ardhmen e afërt njerëzit do të kenë asistentë personal me Inteligjencë Artificiale.
“Në të ardhmen e afërt, kushdo që është ‘online’ do të jetë në gjendje të ketë një asistent personal të mundësuar nga inteligjenca artificiale që është shumë përtej teknologjisë së sotme. Agjentët janë më të zgjuar. Ata janë proaktivë, të aftë për të bërë sugjerime para se t’i kërkoni ato. Në vend që të kemi shumë aplikacione të ndryshme në pajisjet tona për të kryer detyra të ndryshme, përdoruesit thjesht duhet t’i tregojnë pajisjes së tyre, në gjuhën e përditshme, se çfarë duan të bëjnë”, shprehet Bill Gates. Këtu do të ndërhyjnë të ashtuquajturit “agjentë” të fuqizuar nga AI, sipas Gates. Këta asistentë personalë, të aftë për të kryer detyra të ndryshme nëpër aplikacione të ndryshme, do të përmirësohen vazhdimisht me kalimin e kohës ndërsa njohin përdoruesit e tyre.
“Për shembull, nëse po planifikoni një udhëtim, chatbot-ët ekzistues mund të jenë në gjendje të identifikojnë vetëm hotelet që përshtaten me buxhetin tuaj por një agjent do të dijë se në cilën kohë të vitit do të udhëtoni dhe nëse gjithmonë kërkoni destinacione të reja ose preferoni të ktheheni në të njëjtin vend. Nëse keni një ide për një biznes, një agjent do t’ju ndihmojë të shkruani një plan biznesi, të krijoni një prezantim për të dhe madje të gjeneroni imazhe se si mund të duket produkti juaj”, u shpreh ai.
Termit AI iu është dhënë titulli “termi i vitit” nga krijuesit e Fjalorit Collins, duke marrë parasysh diskutimet që kanë vërshuar për këtë teknologji në vitin 2023, qoftë për ndikimin e saj pozitiv dhe negativ. Përdorimi i termit është katërfishuar këtë vit.
