Në Muzeun Etnografik Berat ka përfunduar faza e parë e restaurimit. Janë kryer punime në: suvatimin e fasadave si dhe suvatimet në interierin e muzeut.
Gjithashtu, është realizuar vendosja e tavanit në “Dhomën e Çiftit”, restaurimi i tavanit tek “Dhoma e Miqve”, drenazhime rreth gjithë perimetrit të objektit, instalimet elektrike, restaurimi i trarëve në tavanin e Çardakut, si dhe lyerja e tyre me antimol e vaj lini.
Ka përfunduar restaurimi i gjithë çatisë së muzeut si dhe shumë punime të tjera restauruese, si dritaret e dyert.
Ky investim vjen përmes kontributit të Këshillit të Qarkut Berat. Qartazi evidentohet transformimi i këtij objekti ikonik të kulturës qytetare që do të hapë dyert sërish, por këtë herë me një pamje dinjitoze dhe qasje moderne që ruan në thelb të bukurën arkaike të historisë & traditës.
Financimi i këtij projekti është mundësuar nga BE, në kuadër te projektit INTERREG IPA I| CBC Greqi-Shqipëri 2014-2020.
Kohët e fundit rezulton se vizitueshmëria në muzetë e vendit tonë është rritur ndjeshëm.
Ministrja e Kulturës, Elva Margariti ka ndarë në rrjetet sociale shifrat e vizitorëve në muzetë e vendit, ku grafiku ka ardhur gjithnjë në rritje, nga 2020 deri më 2023-shin, gjë që dëshmon se trashëgimia kulturore tërheq gjithnjë e më shumë vizitorë dhe një nga arsyet është kujdesi i shtuar ndaj siteve arkeologjike e muzeve.
