Konfliktet Izrael-Gaza dhe Ukrainë-Rusi janë të lidhura dhe janë pjesë e një lufte botërore të nisur nga Vladimir Putin në 1999 për të rikthyer perandorinë e Bashkimit Sovjetik pasi u bë president i Rusisë.
Kjo luftë botërore ka një përfaqësues, aktorë si Hamasi apo organizata të tjera terroriste, si dhe grupe politike ekstremiste. Grupi mercenar i Rusisë Wagner ka luajtur gjithashtu një rol të fshehtë në destabilizimin e Europës Lindore, Afrikës dhe Lindjes së Mesme.
Rusia qëndron pas të dyja luftërave dhe pjesës më të madhe të konflikteve në botë sepse nuk është bërë asnjë përpjekje e përbashkët për të ndaluar Putinin.
Katastrofat dhe kaosi po trajtohen të ndara.
Kjo është arsyeja pse politikanët amerikanë flasin për financimin e Ukrainës në krahasim me Izraelin, sikur të mos ishte i njëjti armik pas të dy konflikteve. Vetëm një aleancë globale i dha fund Luftës së Dytë Botërore dhe aleatët e saj kurrë nuk u konfliktuar rreth ndarjeve për të luftuar Gjermaninë në krahasim me Japoninë.
Gjendja aktuale e Izraelit na tregon pse dështimi për të realizuar synimet e Putinit mund të jetë fatale dhe të dëmtojnë Perëndimin në tërësi. Izraeli kishte marrëdhënie të mira me Putinin dhe ishte e vakët për të ndihmuar Ukrainën të luftonte Rusinë, raporton abcnews.al.
Gjithashtu nuk ishte në dijeni se Rusia po e mbështeste Hamasin. Masakra ndodhi më 7 tetor dhe, më 29 tetor, një zëdhënës i Hamasit pranoi publikisht: “Rusia është miku ynë më i ngushtë”.
Pas masakrës, Izraeli sulmoi Hamasin me bomba dhe nisi një pushtim tokësor sikur të ishte duke zhvilluar një lufte konvencionale, kur në fakt shumica e forcave të armikut ishte larguar nga qyteti.
Mijëra civilë janë vrarë dhe vetëm disa dhjetëra operativë të Hamasit kanë vdekur. Ky rezultat i dha Rusisë një mundësi për të kriktikuar si Izraelin dhe Perëndimin.
Putin madje dha një intervistë për Al Jazeera në pronësi të Katarit, ku ai shprehu shqetësimin për “rritje katastrofike” të numrit të civilëve të vrarë në Izrael dhe Gaza.
“Udhëheqësi rus synoi gjithashtu politikën e Uashingtonit në Lindjen e Mesme, për të cilën ai tha se kishte dështuar duke mos marrë parasysh nevojat e palestinezëve.”
Dështimi për të marrë një qasje globale për të ndaluar Rusinë rezultoi gjithashtu në luftën e Ukrainës. Për vite me radhë, Putini bashkoi politikanët europianë dhe ndau Europën Lindore duke pushtuar pjesërisht Gjeorgjinë, Moldavinë dhe Ukrainën.
Nëse Perëndimi do ta kishte kuptuar se ishte në luftë, Europa nuk do të ishte bërë e varur nga energjia ruse, raporton abcnews.al.
Është interesante se Kina nuk i është bashkuar luftës globale të Rusisë. Rusia do të donte që Kina të hapte një front tjetër duke pushtuar Tajvanin, por Kina është distancuar nga Rusia që nga pushtimi i Ukrainës, duke refuzuar të japë ndihmë ushtarake.
Lufta e Rusisë prek gjithashtu Shtetet e Bashkuara dhe Europën. Rreth 20 milionë refugjatë kanë zbritur në Europë pas ndërhyrjeve ushtarake ruse në Siri dhe Ukrainë, dhe Amerika është e mbushur me emigrantë nga Venezuela, Amerika Qendrore dhe Europa Lindore e ndikuar nga Rusia.
Natyrisht, Europa dhe Amerika duhet të sigurojnë kufijtë e tyre, por jo. Kjo shpërfillje, në dritën e luftës botërore ruse, rrit rrezikun që midis dhjetëra mijëra burrave që kanë emigruar në Shtetet e Bashkuara dhe Europë nga e gjithë bota, disa mund të jenë spiunë, kriminelë, mushka droge ose terroristë.
Kufiri jugor i Amerikës është një pikë kryesore dhe Europa është e mbushur me refugjatë që mbërrijnë me anije nga Lindja e Mesme, ose vende në Afrikë ku ndikimi rus është i fuqishëm.
Rusia ka vite që po zhvillon luftë dhe po fiton. Vetëm një aleancë globale mund të çrrënjosë rrjetin e saj dhe t’i japë fund kësaj lufte botërore./ Përkthyer nga abcnews.al
