Zbardhen detaje nga thirrja e kreut të Partisë së Lirisë, Ilir Meta sot në SPAK. Ky i fundit, siç e deklaroi edhe vetë Meta, do të pyetet për çështjen CEZ-DIA, për të cilën deri më tani është dënuar Kastriot Ismailaj.
Gazetarja Klodiana Lala në një lidhje live për News24 tha se SPAK ditët e fundit ka pyetur ish-zyrtarë dhe bashkëpunëtorë të zotit Meta për këtë çështje. Ai do të pyetet në cilësinë e deklaruesit.
SPAK për shkak edhe të afateve, do të duhet të marrë një vendim për këtë çështje, që të dalë me një konkluzion për këtë çështje. Aktualisht ka edhe dy çështje të tjera të hapura për Metën.
