Bayern Munich ka mundur 4-2 Hidenheim dhe ka marrë përkohësisht kreun e Bundesliga-s, në pritje të ndeshjes së nesërme të Bayer Leverkusen kundër Union Berlin.
Bayern Munich [1] – 0 FC Heidenheim – Harry Kane 14’
Bayern Munich [2] – 0 FC Heidenheim – Harry Kane 44’
Tjetër paraqitje e shkëlqyer dhe historike për Harry Kane, autor i dy golave sot. Anglezi është bërë lojtari i parë në historinë e Bundesliga-s që ka shënuar 17 gola në 11 javët e para të një sezoni të kampionatit gjerman.
Bayern Munich 2 – [1] FC Heidenheim – Tim Kleindienst 67’
Bayern Munich 2 – [2] FC Heidenheim – Jan-Niklas Beste 70’
Pasi e ka mbyllur pjesën e parë në avantazh 2-0, Bayern është befasuar nga Hidenheim në pjesën e dytë, me miqtë që kanë shënuar dy gola në harkun e tri minutave me Kleindienst (67′) dhe Beste (70′).
Bayern Munich [3] – 2 FC Heidenheim – Raphael Guerreiro 72’
Bayern Munich [4] – 2 FC Heidenheim – Eric Maxim Choupo-Moting 85’
Megjithatë, skuadra e Tuchel është kthyer në avantazh në të 72-ën me Guerreiro dhe ka kompletuar “pokerin” me Choupo-Moting në të 85-ën.
Zhgënjen Borussia Dortmund, që është mundur 2-1 me përmbysje në fushën e Stuttgart. Fullkrug ka shënuar për verdhezinjtë në minutën e 36-të, ndërsa Undav në të 42-ën dhe Guirassy në të 83-ën kanë shënuar për vendasit.
