Taylor Swift ka treguar se është “e shkatërruar” pasi një fanse humbi jetën në koncertin e saj në Rio de Zhaneiro, të premten.
Këngëtarja shkruante në një story në Instagram se ishte “e pushtuar nga pikëllimi” dhe nuk e mendonte se do të fliste për vdekjen në skenë atë mbrëmje.
“Nuk mund ta besoj që po i shkruaj këto fjalë, por me zemër të copëtuar them se kemi humbur një fans më herët sonte para shfaqjes sime. Unë as nuk mund t’ju them se sa i shkatërruar jam nga kjo.
Kam shumë pak informacione që kam, përveç faktit që ajo ishte jashtëzakonisht e bukur dhe shumë e re”, shkruan ajo. Më tej këngëtarja shkruan se zemra e saj ishte me familjen dhe miqtë e fanses.
Fansat kishin raportuar kushte të vështira në Estádio Olímpico Nilton Santos, ku u mbajt koncerti. Swift e ndërpreu koncertin për një kohë të shkurtër në mënyrë që t’u jepej ujë fansave dhe më vonë mund të shihej duke u hedhur një shishe me ujë fansave në turmë ndërsa ajo po këndonte. Ata ishin dëgjuar duke brohoritur “ujë, ujë, ujë, ujë”.
Pas Rio de Zhaneiros, Sëift do të mbajë dy koncerte në São Paulo, e fundit këtë vit si pjesë e turneut të saj dyvjeçar botëror. Ajo do të shkojë më pas në Mbretërinë e Bashkuar në qershor 2024, duke luajtur tre shfaqje në Edinburg, tre në Liverpool dhe një në Cardiff përpara një treshe të fundit në Londër, ku do të mbështetet nga grupi rok Paramore. Më pas ajo do të kalojë nëpër kanalin irlandez për të luajtur tre netë në stadiumin Aviva në Dublin.
Swift është artistja femër më e transmetuar në Spotify dhe Apple Music dhe interpretuesja femër me fitime më të larta ndonjëherë.
