PS kërkon masë disiplinore për disa deputetë të opozitës që shkaktuan kaos në Kuvend gjatë seancës parlamentare të së enjtes (21 Dhjetor) ku u miratua kërkesa e SPAK për heqjen e imunitetit të Sali Berishës, që i hap rrugë arrestimit të tij.
Deputetët e opozitës u përplasën me gardën e Republikës, grumbulluan karriget në Kuvend dhe hodhën tymuese gjatë momentit që po PS votonte për autorizimin e arrestimit të Berishës.
Mazhoranca kërkon përjashtimin e disa deputetëve të opozitës, ndërsa kërkesën do e dërgojë në Sekretariatin e Etikës.
Sipas ndryshimeve të reja në rregulloren e Kuvendit, ligjvënësit rrezikojnë deri ne 60 ditë përjashtim nga Parlamenti.
Në rregulloren e mëparshme dënimi maksimal ishte 10 ditë, ndërkohe që tashmë do të ketë dënime që variojnë nga 30 deri në 60 ditë.
