Gazetari Flogert Muça tha se Argita Berisha Malltezi do të ishte zgjidhja ideale për të kryesuar Partinë Demokratike.
Duke folur për Euronews Albania Muça tha se vetëm Argita do mund të bëjë që demokratët t’i bashkohen e gjithashtu të “mbledhë borxhet” e Berishës.
“Duhet të kemi parasysh diçka, ata që ndjekin Sali Berishën janë dy kategori qytetarësh, njëra janë ata që Sali Berishën e shikojnë si zot ata thonë “Kjo është kisha ku ne falemi”, është e drejta e tyre.
Kategoria tjetër janë borxhlinjtë, janë ata njerëz që nga asgjëja Sali Berisha i ka bërë të pasur, janë ata që financojnë foltoren, që janë krahu, dora e Sali Berishës, përfshihen këtu edhe një pjesë e deputetëve.
Pse Argita është zgjedhje ideale. Është zgjedhje ideale sepse ajo është kisha e radhës që mund ti besojnë sepse është brenda berishizmit. Gjithashtu ajo është e vetmja që mund të mbledhë borxhet e doktorit”,-tha gazetari.
