Sot ka rinisuar Vettingu ndaj drejtuesve te lartë të Policisë së Shtetit.
Ministri i Brendshëm, Taulant Balla ka reaguar duke u shprehur se ky proces lidhet ngushtësisht me garantimin e integritetit të drejtuesve të Policisë.
Ai shton se vettingu do të vijojë si një mekanizëm i domosdoshëm vlerësimi, i cili rrit besueshmërinë e drejtuesve branda organizatës, por edhe forcon besimin e qytetarëve.
“Për këtë qëllim do të vijojë vetingu i funksioneve drejtuese në Policinë e Shtetit si një mekanizëm i domosdoshëm vlerësimi, i cili rrit besueshmërinë e drejtuesve brenda organizatës, por edhe forcon besimin e qytetarëve” shprehet Balla.
Reagimi i plotë:
Procesi i vetëpastrimit të Policisë së Shtetit lidhet ngushtësisht me garantimin e integritetit të drejtuesve të Policisë. Për këtë qëllim do të vijojë vetingu i funksioneve drejtuese në Policinë e Shtetit si një mekanizëm i domosdoshëm vlerësimi, i cili rrit besueshmërinë e drejtuesve brenda organizatës, por edhe forcon besimin e qytetarëve. Përgëzime Trupave Vlerësuese dhe drejtuesve të AMP për punën voluminoze.
