SPANJE – Atletja Alba Cebrián, nga klubi i Celtíberas, ka vdekur pas disa ditësh shtruar në spital, pasi pësoi arrest kardiak gjatë stërvitjes në shpatet e La Vall d’Uixó në Castellón.
Atletja 23-vjeçare ishte një vrapuese e distancave të mesme, specialiste në 3000 gara me pengesa. Ajo kishte garuar edhe në distancën 1500 metra dhe në garat e vrapimit malor.
Cebrián-it i ra të fikët gjatë stërvitjes dhe u trajtua nga një mjek, i cili filloi një masazh kardiak derisa mbërriti një ambulancë dhe ajo u dërgua në spital, ku qëndroi në ICU për disa ditë.
Klubi i atletikës së Celtíberas, të cilit i përkiste atletja, njoftoi përfundimin fatal këtë të hënë. “Të gjithë ne që jemi pjesë e klubit të atletikës Celtíberas de Soria jemi të shkatërruar që duhet të njoftojmë vdekjen e koleges sonë Alba Cebrián Chiva. Ne i bashkohemi të gjithë familjes së saj, në këto momente të dhimbshme. Ne do të kujtojmë gjithmonë ty Alba.”
