Shenjat e mëposhtme të zodiakut nuk kanë pritshmëri dhe shpresa të mëdha dhe as nuk presin ndonjë gjë që do të sjellë përmirësim në jetën e tyre personale. Ato nuk ankohen për fatin e tyre dhe as nuk tallen me të tjerët. Përkundrazi, në fakt janë miq shumë të mirë, që mund të mbështesin dhe inkurajojnë këdo. Pavarësisht pesimizmit të tyre, ato janë të gatshëm t’ju ndihmojnë dhe sigurisht t’ju mbrojnë.
Akrepi
Jeni në krye të listës dhe jo pa arsye, pasi jeni të prirur ndaj negativitetit. Ju besoni se herët a vonë do të “humbisni”, shihni të keqen dhe jo të mirën, ndërsa imagjinata juaj gjithmonë ka një fund zemërthyes dhe të trishtë. Megjithatë, është një element i karakterit tuaj dhe nga këtu vjen mungesa e besimit. Nuk i lini asgjë rastësisë dhe jeni gati të besoni më të keqen nëse diçka ju “godit”. Megjithatë, nuk janë të pakta rastet kur gjërat kanë ndodhur ndryshe nga parashikimet e juaja dhe jeni ndjerë të zhgëngjyer. Por, çfarëdo që t’ju thonë, ju gjithmonë do të bëni të njëjtën gjë dhe nuk do të ndryshoni mendje.
Peshqit
Shumica e njerëzve ju shohin të sjellshëm, të këndshëm dhe të relaksuar, por nuk e dinë se ju keni edhe një anë tjetër, mjaft pesimiste që ju errëson shpirtin. Disa herë ju rëndon, humbni shpresën, ju bie morali dhe jeni të rënduar emocionalisht. Kjo është ajo që ndodh sa herë që dilni nga “flluska juaj rozë” dhe bini në kontakt me realitetin e ashpër. Nëse do të përpiqeni të përmbaheni dhe të mos keni pritshmëri kaq të mëdha as për veten dhe as për të tjerët, nuk do të zhgënjeheni kaq shpesh dhe nuk do të humbisni buzëqeshjen dhe besimin.
Bricjapi
Ju gjithmonë prisni që të ndodhë më e keqja, qoftë në punë apo në jetën tuaj personale, për shkak të përvojave tuaja negative. Ndoshta jeni përpjekur mjaftueshëm në jetën tuaj dhe vështirësitë ju kanë bërë pesimistë ose ju kanë lënduar, kështu që është sikur po mbroni veten, duke besuar çdo herë në skenarin më të keq që të mos përfundoni të zhgënjyer. Arsyeja pse jeni të fundit në listë është se me kalimin e viteve, ju dëshironi me përvojën që keni fituar, t’i shihni gjërat ndryshe, pasi tani e dini që kur rrëzoheni do të ngriheni sërish shpejtë.
