Ministrja e Shëndetësisë dhe Mbrojtjes Sociale,, Albana Kociu ka zhvilluar një takim me drejtues të Institutit të Shëndetit Publik, të OSHK-së dhe Spitalit Infektiv.
Gjatë takimit u diskutua për vijimin e vaksinimit falas kundër gripit për grupet e riskut, ndërgjegjësimin e qytetarëve në lidhje me parandalimin ndaj virozëve të stinës së dimrit si dhe përforcimin e survejancës.
“Zhvilluam sot një takim me drejtuesit e institucioneve kryesore si dhe me mjekë për të diskutuar mbi situatën e gripit në vend. Instituti i Shëndetit Publik ka marrë të gjitha masat për të shpërndarë në qendrat shëndetësore 260 mijë doza vaksine gripi. Operatori i Kujdesit Shëndetësor së bashku me qendrat shëndetësore dhe me mjekët e familjes, janë siguruar për të nxitur dhe për të vaksinuar të gjithë grupet e riskuara”, thekson ministrja e Shëndetësisë.
Koçiu rikujton se janë 31 qendra shëndetësore të shpërndara në të gjithë vendin të cilat ofrojnë shërbim 24/7 në këtë situatë virozash. Në qytetin e Tiranës kemi 4 qendra shëndetësore të cilat gjithashtu punojnë 24/7 dhe janë të hapura edhe si urgjenca pediatrike për më të vegjlit”.
“Dua të theksoj edhe një herë rëndësinë e vaksinimit, të gjithë grupet e riskuara duhet t’i drejtohen mjekut të familjes, fëmijët e vegjël, gratë shtatzëna, të moshuarit apo të gjitha ata që vuajnë nga sëmundje kronike, duhet të kryejnë vaksinën e gripit”, apelon ministrja Koçiu.
###
Me drejtuesit e strukturave shëndetësore diskutuam për situatën e gripit në vend, vijimin e vaksinimit falas kundër gripit për grupet e riskut, ndërgjegjësimin e qytetarëve në lidhje me parandalimin ndaj virozave të stinës, si dhe përforcimin e survejancës.
#ZgjidhJetënVaksinohu
* https://www.facebook.com/share/v/reGECa46yfyXykv5/?mibextid=WC7FNe
* https://www.instagram.com/reel/C2NZwcPtAYp/?igsh=ZWhwd2JqMzN3aTc1
* https://twitter.com/albana_kociu/status/1747672229758824909?t=NOrUBt5sZUWqniBqScj9kw&s=19
* https://fb.watch/pDNSjw4HEr/?mibextid=Nif5oz
