Organizata Indiane e Kërkimit Hapësinor (ISRO) ka nisur një mision për të eksploruar vrimat e zeza me një observator të ri hapësinor.
Kreu i ISRO, Sreedhara Somanath njoftoi sot se lëshimi i raketës mbajtëse nga qendra hapësinore Sriharikota kishte qenë i suksesshëm.
Kanali televiziv indian NDTV raportoi se prodhimi i satelitit, i cili pritet të ketë një jetëgjatësi prej më shumë se pesë vjet, kushtoi rreth 30 milionë dollarë.
Kjo është dukshëm më pak se sa është shpenzuar për një satelit për një mision të ngjashëm nga agjencia amerikane e hapësirës NASA.
India ka plane gjithnjë e më ambicioze hapësinore. Së fundmi, kryeministri Narendra Modi tha se vendi i tij dëshiron të dërgojë një astronaut në Hënë për herë të parë deri në vitin 2040 dhe se do të kishte një stacion hapësinor indian deri në vitin 2035.
