Quaresma luajti ndeshjen e tij të fundit zyrtare më 15 maj 2022 me Guimarães. Në moshën 40-vjeçare dhe larg fushës që nga ajo kohë, sulmuesi portugez nuk i ka dhënë ende fund karrierës së tij dhe hap derën për një rikthim te Besiktas, klubi me të cilin po përflitet në dritaren aktuale të tregut.
“Unë gjithmonë kam thënë se dua ta përfundoj karrierën time në fushë. Le të shohim se çfarë do të ndodhë. Karriera ime nuk ka përfunduar ende. Besiktas është një mundësi, është klubi im, një klub që e dua. E kam thënë këtë disa herë. Familja ime ishte e lumtur atje. Le të shohim…”,- tha lojtari për “Record”, pas një ndeshjeje të gjithë yjeve në Leiria për promovimin e katër finaleve të Kupës Allianz.
Quaresma mund të ribashkohet me ish-trajnerin e kombëtares Fernando Santos te Besiktas. Sulmuesi i rracës përfaqësoi ekipin e Stambollit midis 2010 dhe 2012 dhe, më vonë, midis 2015 dhe 2019. Ai luajti 227 ndeshje për klubin turk, dy më shumë se ato që luajti me FC Porto (225).
