Historia e Michael Jackson do shfaqet në ekran vitin që vjen, fiks më 18 Prill 2025! Mediat e huaja shkruajnë se studioja që po merret me filmin biografik do fillojë me punën këtë 22 Janar.
Në përmbledhjen zyrtare të filmit shkruhet: Do shihni se si një njeri pak i komplikuar, por tejet atraktiv u shndërrua në Mbretin e Popit. Nga triumfet te tragjeditë, nga ana e tij njerëzore e deri te gjenialiteti në artin e tij me performancat ikonike. Si kurrë më parë, njerëzit do njohin rrënjësisht një prej njerëzve më të spikatur që bota ka njohur ndonjëherë!
Këtë produksion madhështor po e drejton Antoine Fuqua si dhe nipi i yllit të Popit, Jaafar Jackson.
Skenari është shkruar nga John Logan i “Gladiator”. Sipas Fuqua, roli i nipit të Michael është kryesori në film, madje ai është i surprizuar me ngjashmërinë që ai ka me xhaxhain e tij, që nga mënyra si kërcen apo këndon.
Filmi biografik thuhet se do të mbulojë deri në detaje çdo aspekt të jetës së këngëtarit e mbase më në fund do shuhen shumë polemika dhe për mënyrën se si ai ndërroi jetë. Kujtojmë se ndaj Jackson, pak para se ai të vdiste (në vitin 2009), u ngritën ca akuza për abuzim seksual me fëmijë. Madje në 2003-in, kur ai ishte 44 vjeç, u arrestua për këto akuza, megjithëse këto të fundit u pushuan dy vite më vonë.
Megjithatë në pjesën më të madhe të filmit, do shihni Jackson në skenë. Turneu i tij “Dangerous World 1992” apo muzikale të tjera janë pjesë që ia vlen të shihen të rikrijuara.
