Bayer Leverkusen mundi Mainzin 2-1 në raundin e 23-të të Bundesligës të premten mbrëma, dhe skuadra e Xabi Alonso arriti jo më pak se 33 ndeshje radhazi pa humbje në të gjitha garat, një rekord për futbollin gjerman.
Granit Xhaka (3′) dhe Robert Andrich (68′) shënuan për Leverkusen në fitoren ndaj Mainzit, ndërsa Kohr (8′) për mysafirët.
“Aspirinat” thyen rekordin e Bayern Munichut, i cili pati një seri prej 32 ndeshjesh pa humbje.
Në 33 ndeshje, Leverkusen ka shënuar jo më pak se 97 gola. Skuadra e Xabi Alonso është lider në Bundesligë, 11 pikë përpara Bayern Munichut dhe është në 1/16 e Europa League, ku do të përballet me Qarabag.
Bayer Leverkusen, një klub i themeluar në vitin 1904, ka fituar trofeun e Kupës UEFA (1988) dhe Kupën e Gjermanisë (1993). Përfundimi më i mirë i Bundesligës deri më tani ishte i dyti, i arritur në 1997, 1999, 2000, 2002 dhe 2011.
