Kutia e Pandorës i dha dje Sarës mundësinë që të kërkonte në rrjet informacione për të. Komentet dhe lajmet që po qarkullojnë për lidhjen e saj me Bardhin dhe historinë e përfunduar të dashurisë me Endrikun, duket se e kanë përfshirë emocionalisht dhe mëngjesin e sotëm është shfaqur e shqetësuar.
Pranë saj ndodhej Ilnisa e cila u interesua të dinte se çfarë e kishte mërzitur banoren, ndërsa e këshilloi të mos i marrë parasysh komentet që ka parë, pasi ajo e di sesi qëndron e vërteta.
Nga Kutia e Pandorës në zarfin e zi, Sara gjithashtu kishte dy mundësi zgjedhje për nominimet e ardhshme. Ajo shpëtoi vajzat dhe çoi në televotim djemtë.
