Sot në ambientet e Ambasadës së Kosovës në Bernë është firmosur marrëveshja për bashkim mes “Shkollës Shqipe” në Zvicër dhe Lidhjes së Arsimtarëve dhe Prindërve Shqiptarë “Naim Frashëri” në Zvicër. Kjo marrëveshje vjen pas disa takimeve mes Ambasadorëve shqiptarë dhe drejtueseve të shkollave shqipe në Zvicër. Ambasada e Shqipërisë në Zvicër bën të ditur se ky hap ka në fokus mbrojtjen dhe promovimin e gjuhës shqipe, duke nisur nga mësuesit dhe nxënësit shqiptarë në Konfederatën e Zvicrës, duke premtuar një të ardhme më të ndritur për brezat e rinj.
Marrëveshjen për bashkim e kanë firmosur dy drejtuesit e shkollave shqipe Vaxhid Sjediu nga “Shkolla Shqipe” dhe Liburn Mehmetaj nga LAPSH në prani të Ambasadorit të Shqipërisë, Mustafa Nano, të KS-së, Ambasadorit të Kosovës, Sami Ukelli, të Maqedonisë së Veriut, Rexhep Demiri, Ministres së Arsimit të Kosovës, Arbërie Nagavci, përfaqësueseve të shkollave shqipe nga kantonet, si dhe mësueseve të shkollave shqipe.
Pas disa takimeve mes Ambasadorëve shqiptarë dhe drejtueseve të shkollave shqipe në Zvicër, sot (17.03.2024), në ambientet e Ambasadës së Kosovës në Bernë është firmosur marrëveshja për bashkim mes “Shkollës Shqipe” në Zvicër dhe Lidhjes së Arsimtarëve dhe Prindërve Shqiptarë “Naim Frashëri” në Zvicër. Ky hap i madh i cili vjen me iniciativë të Ambasadës së Republikës së Shqipërisë në Bernë ka në fokus ruajtjen, mbrojtjen dhe promovimin e gjuhës shqipe, duke nisur nga mësuesit dhe nxënësit shqiptarë në Konfederatën e Zvicrës, duke premtuar një të ardhme më të ndritur për brezat e rinj.
Së bashku, do të ofrojmë një platformë më të gjerë arsimore, duke integruar stafet mësimore dhe rritur numrin e nxënësve dhe cilësinë e mësimit. Marrëveshjen për bashkim e kanë firmosur dy drejtuesit e shkollave shqipe z.Vaxhid Sjediu nga “Shkolla Shqipe” dhe z.Liburn Mehmetaj nga LAPSH në prani të Ambasadorit të RSH-së, z.Mustafa Nano, të RKS-së, z.Sami Ukelli, të RMV-së, z.Rexhep Demiri, Ministres së Arsimit të RKS-së, znj.Arbërie Nagavci, përfaqësueseve të shkollave shqipe nga kantonet, si dhe mësueseve të shkollave shqipe. Po ashtu në mbështetje të këtij bashkimi kanë firmsour dhe tre Ambasadorët.
Ky është një ogur i mirë, pasi ky vit është shpallur nga Ministria e Arsimit dhe Sportit të Republikës së Shqipërisë si “Viti i Gjuhës Shqipe” dhe Ambasada shpreson se që nga fillimi i vitit shkollor 2024/2025, të gjithë mësimdhënësit dhe nxënësit do të fillojnë një epokë të re për arsimin shqip në Zvicër.
Të mos harrojmë asnjëherë se, gjuha nuk është thjesht një mjet komunikimi por mbi të gjitha është një simbol i unitetit dhe fuqisë tonë ripërtëritëse si komb”, thuhet në deklaratën e Ambasadës shqiptare në Zvicër.
