Duke kërkuar të përmbysë një deficit prej një goli, Atlético Madridi pret Interin në “Metropolitano” për ndeshjen e dytë të raundit të 16-të të Champions League këtë të mërkurë mbrëma, më 13 mars.
‘Zikaltrit’ fituan me një rezultat të ngushtë 1-0 në ndeshjen e parë në “San Siro”, tre javë më parë, falë një goli në fund të pjesës së dytë nga Marko Arnautovic. Dhe këtë do të përpiqet ta menaxhojë trajneri i skuadrës italiane, Simone Inzaghi, që nga përfundimi i ndeshjes së parë.
Me avantazhin që kanë në Serie A, 16 pikë, vendimet e tyre sportive, që kur u përballën me Atléticon e kishin një sy te ndeshjet e kampionatit dhe një tjetër në Champions League. Objektivi i tyre ishte rikuperimi i të dëmtuarve, përveç rotacionit në mënyrë që të gjithë të mbërrinin në gjendjen më të mirë për ndeshjen e “Metropolit”.
Trajneri transalpin, ish-shoku i skuadrës së Simeones te Lazio kur të dy ishin futbollistë, është gjithashtu ‘student’ dhe i fiksuar pas kësaj. Kjo është arsyeja pse ai ka menduar shumë për lojën.
Dhe ai ka hartuar disa udhëzime, një plan, për të përfunduar punën. “Në qytetin sportiv të Appianos, Inzaghi dhe stafi i tij stërvitor paralajmëruan skuadrën: Atlético do të hyjë në fushë me një thikë në mes dhëmbëve, 20 minutat e para në “Metropolitano” rrezikojnë të bëhen një udhëtim në shkretëtirë,”- shkruan “La Gazzetta dello Sport” se si Interi po përgatitet për përballjen.
Premisa është e qartë, për të mos pësuar gol shpejt, dhe për t’i bërë ballë atij sulmi që Atlético supozohet të kryejë në fillim të lojës. Inzaghi i ka studiuar mënyrat për të përmbajtur Atlético Madridin, siç shpjegohet në Itali. Me disa ‘çelësa’, si presioni kolektiv dhe i organizuar, thelbësor për të ndërprerë lojën spanjole dhe për të parandaluar një lojë të frytshme.
“Guximi dhe zotërimi, të njëjtat pole si gjithmonë. Lehtë për t’u thënë, më komplekse për t’u bërë, veçanërisht kundër rivalëve që do të sulmojnë me të njëjtën ‘fytyrë të keqe’, si trajneri i tyre. Pa arritur në rastin ekstrem të Bolognës, Interi ka treguar disa herë se mbrojtësit djathtas dhe majtas, ‘të tretët’ e famshëm të mbrojtjes, janë thuajse sulmues të shtuar. Pavard dhe Bastoni, së bashku me treshen e paprekshme të mesfushorëve, e shtyjnë skuadrën përpara”,- sqaron media e sipërpërmendur.
Njëmbëdhjetë e mundshme e Interit, sipas raportimeve në Itali, do të jetë ajo e formuar nga Sommer; Dumfriez, Pavard, Acerbi, Bastoni, Di Marco; Barella, Calhanoglu, Mkhtaryan; Lautaro Martinez dhe Thuram.
