Mediat pranë opozitës u ekzaltuan para dy ditësh kur një gazetë greke e quajtur “Ta Nea” publikoi një lajm ku shkruante se gjyqtarja e GJKKO, Irena Gjoka, në vitin 2002 është deportuar nga Greqia dhe i është ndaluar hyrja në këtë shtet për 12 vjet, pasi sipas gazetës kishte falsifikuar dokumentet.
Ky lajm i cili u fabrikua një ditë para vendimit ndaj Fredi Belerit ndoshta për të shantazhuar GJKKO, u rrëzua nga policia greke e cila pas verifikimeve të të gjithë regjistrave manual të kohës dhe sistemit të tyre kufitar, u shpreh se Irena Gjoka (u kontrolluan edhe mbiemrat e tjerë të saj) nuk ka asnjë shkelje në këtë shtet dhe asnjë masë ndaj saj në asnjë kohë.
Ky ishte lajmi dhe kundërlajmi i datave 4 dhe 5 Mars, por ajo që ra në sy tek lajmi i parë ishte entuziasmi i mediave të opozitës dhe eksponentëve të saj ishte trajtimi i medias “Ta Nea” si në media shumë prestigjoze.
Por si është e vërteta e kësaj medie dhe çfarë shkruajnë mediat në artikujt e saj për financimin dhe pronarët e “Ta Nea”?
Pronari i kësaj medie është manjati grek Vangelis Marinakis që operon në fushën e medias, sportit dhe transportit detar ku me këtë të fundit ka ndërtuar fillimisht fuqinë e tij. Ai e bleu këtë media (“Ta Nea”) pasi ajo kishte falimentuar.
Por jo vetëm kaq. Marinakis është një emër i njohur në opinionin publik grek për akuzat që kanë rënduar e rëndojnë mbi të për lidhjet me krimin e organizuar, trafikun e heroinës dhe vënien në dizpozicion të anijeve të tij për transportin ilegal të naftës ruse.
Mediat e huaja dhe ato greke, kanë bërë disa investigime që flasin për të gjitha këto akuza, për akuzat ndaj tij për lidhjet e tij me grupet kriminale dhe akuza se transporton naftën ruse drejt Indisë dhe gjatë rrugës ka dyshime se në ujëra ndërkombëtare rishpërndahet ilegalisht në anije të tjera duke i ripagëzuar si me origjinë tjetër.
Më poshtë po u sjellim lajmet dhe investigimet e mediave të huaja të cilat tregojnë qartë rolin e pronarit të medias që sulmoi më një lajm të rremë gjyqtaren e GJKKO, Irena Gjoka.
Megjithatë, opozita në Tiranë mirëkuptohet që përdor çdo lloj lajmi dhe trajton si prestigjoze çdo media që sulmon drejtësinë e re në Shqipëri.
https://newrepublic.com/article/159252/noor-one-vampire-ship-heroin-turkey-greece-corruption-scandal
