Inter Miami pret dritën jeshile për të patur Lionel Messin në ‘planin e shpëtimit’ të trajnerit Gerardo Martino, për ta çuar skuadrën në gjysmëfinale të Champions League të Concacaf-it këtë të mërkurë, një mision i vështirë për shkak të disavantazhit 1-2. Monterrey fitoi tetë ditë më parë.
Për Inter Miami, shpresa u rilind të shtunën kur Messi u kthye në fushë, pasi kaloi gati tre javë në infermieri për shkak të një dëmtimi muskulor. Kapiteni i skuadrës argjentinase i dha epërsinë skuadrës së tij ndaj Kolorado Rapids, e cila barazoi më pas.
Takimi i ri mes Monterrey-t dhe Inter Miamit është paraprirë nga tensione të ashpra mes trajnerit të skuadrës meksikane, argjentinasit Fernando ‘Tano’ Ortiz dhe lojtarëve rivalë.
Gjithçka, sepse para fillimit të këtij seriali, Ortiz u la një mesazh lojtarëve të tij që t’i qasen Messit si një futbollist i zakonshëm dhe të mos frikësohen nga karriera e tij.
