Derbi Tirana – Partizani do e gjejë stadiumin “Air Albania” pa stola në pjesën pas portave, aty ku qëndrojnë edhe tifozët ultras të të dyja skuadrave. Organizatorët kanë marrë masa që sharjet mos nisin konflikte me sende të forta si në ndeshjet e kaluara, duke ruajtur edhe thyerjen e stolave, që është kthyer në një “traditë” tanimë.
Edhe për shkak se një stol vlerësohet 100 euro dhe klubet respektive duhet të paguajnë dëmet, ulëset janë hequr nga pjesët pas porte.
