Presidenti i Iranit, Ebrahim Raisi tha të martën se nëse Izraeli kryen një sulm tjetër në territorin iranian, situata do të jetë krejtësisht e ndryshme dhe nuk do të mbetet asgjë nga regjimi sionist. Duke iu drejtuar studentëve dhe mësuesve në Universitetin e Kolegjit Qeveritar në qytetin pakistanez të Lahores, Raisi tha se Irani dënoi Izraelin për sulmin e tij ndaj Konsullatës iraniane në Siri, duke iu referuar sulmit me dron dhe raketa të 14 prillit në Izrael.
Të paktën shtatë këshilltarë ushtarakë iranianë, përfshirë dy komandantë të rangut të lartë, u vranë në sulmin e konsullatës, për të cilën Teherani fajësoi Tel Avivin. Izraeli nuk e mori zyrtarisht përgjegjësinë për sulmin e konsullatës. Herët të premten, Izraeli kreu një sulm me dron në një bazë ushtarake në qytetin qendror iranian të Isfahanit, të cilin autoritetet iraniane pretenduan se e kishin penguar.
Raisi tha gjithahshtu se nëse Izraeli do t’i drejtohet sërish aksioneve ushtarake kundër Iranit, situata do të jetë krejtësisht ndryshe dhe nuk dihet nëse do të mbetet diçka nga regjimi, duke iu referuar Izraelit. Ai më tej tha se Irani dhe Pakistani kanë një pikëpamje të përbashkët për mbrojtjen e popullit të shtypur të Palestinës, duke shtuar se Teherani do të vazhdojë t’i mbrojë ata me një ndjenjë krenarie.
