Të premten e kaluar, në një konferencë për shtyp, Quique Sanchez Flores ishte treguar tashmë mjaft i thartë kur mësoi për largimin e Xavi nga Barça, i cili sapo ishte zyrtarizuar.
Trajneri i Sevillas kishte vënë në dukje një Barçë që nuk “respekton legjendat e saj”. Një dalje, e cila nuk kaloi pa u vënë re dhe u pasua nga një tjetër deklaratë pikante mbrëmë pas ndeshjes së humbur ndaj Barçës (1-2).
Duke bërë një nderim të ri për Xavi-n, trajneri Quique Sanchez Flores i tregoi Barçës që të përqëndrohet në prioritetin e saj të vërtetë. Që sipas tij, është dominimi i egër i Real Madridit këtë sezon.
“Unë mendoj se ai është një djalë i ndershëm, që thotë atë që mendon dhe atë që ndjen, nuk mban asgjë për vete. E admirova pa masë si lojtar dhe i tregova të vërtetën, se si ndihesha, që ai kaloi një periudhë shumë të vështirë tranzicioni dhe vlerën e asaj që bëri, të paktën e vlerësoj.
Më pëlqen shumë që ai ishte kampion i La Ligës vitin e kaluar. Problemi i Barcelonës është i madh dhe nuk është Xavi, por është Real Madridi”, tha Sanchez Flores në një konferencë për shtyp.
