Neuralink, kompania amerikane neuroteknologjike e themeluar nga Elon Musk, njoftoi se çipi që ata vendosën për herë të parë në kafkën e një personi filloi të ndahej nga truri.
Sipas deklaratës me shkrim të bërë në faqen e internetit të Neuralink, sasia e të dhënave që procesori dhe bateria në kafkë morën nga nervat u ul për shkak të tërheqjes së 64 kabllove lidhëse të vendosura në indin e trurit të Noland Arbaugh.
Kompania deklaroi se ulja e sasisë së të dhënave të përpunuara nga tërheqja e kabllove nuk përbën kërcënim për shëndetin e përdoruesit të parë të çipit të trurit dhe vuri në dukje se studimet po vazhdojnë për të rritur funksionalitetin e pajisjes.
Arbaugh, në trurin e të cilit u vendos çip më 28 janar, ishte në gjendje të luante shah vetëm duke menduar në javët pas operacionit. Neuralink njoftoi se çipi po kapte më pak të dhëna që nga fundi i shkurtit.
Arbaugh, i cilit u paralizua në duar dhe këmbë pas aksidentit që pësoi rreth 8 vjet më parë, në një transmetim të drejtpërdrejtë më 4 maj nga llogaria e tij X, luajti shah duke përdorur çipin.
