Analisti Frrok Çupi, thotë se Partia Socialiste, e cila festoi të mërkurën 33 vjetorin e themelimit, është një forcë politike, e cila për Shqipërinë do të thotë stabilitet.
Në emisionin “Real Story” në ABC News, Çupi u shpreh se Partia Socialiste e ka ndërtuar themelin e saj mbi filozofinë e njerëzve të penës.
Sipas Çupit, rinovimi i Partisë Socialiste është i domosdoshëm dhe shtoi se kryeministri Edi Rama është një pragmatist, i cili ka gjetur filozofinë të bëjë ndryshime.
Ajo fraza e shkurtër e Edit, “Rroftë Partia Socialiste”, në fakt ka një domethënie të mjaftueshme. Për mua, nuk e shikoj thjesht te Edi Rama, e shikoj te ajo filozofi që ka krijuar PS. PS prej vitesh, sidomos nën qeverisjen e Ramës, nuk është parti emocionale, që e ndjen festën dhe buçet.
Është parti që individi rri mirë përballë saj sepse nuk ka emocione. Shpërthimi i emocioneve në parti është e tmerrshme, është totalitarizëm. Partia e Punës ka qenë parti tmerrësisht e ogranizuar dhe ushtarake, ka qenë parti në marsh. Të ndaheshe prej saj, mendoje ku e kanë marshin, ku e kanë skuadrën. Ishe tmerrësisht e vështirë. PS ka disa shanse, ky është njëri prej tyre.
PD rrëshqiti, PS e ndërtoi themelin e saj, mbi filozofinë e një shkrimtari, Dritëroi, Ismalili, njerëz të penës. Kjo ishte lindja shumë e vështirë. Po të mos ishte Dritëroi, zor se do të kishim mëngjesin e së nesërmes. Në PS sot ka kundërshtar të Dritëroit, por merita e PS është që nuk pati refraktarë, njerëz agresivë. Sot PS, nuk është parti e cila dashurohet. Në PS, nëse kontribuon, kontribuon.
PS në vendin tonë, PS do të thotë normalitet. Individi, çdo grup e do normalitetin e vendit të vet. Fakti që sot PS rinovohet gjysma, do të thotë që rinovohet e tërë. Rinovimi i PS është i domosdoshëm. Ka kuptuar që është e korruptueshme, mund të kthehet në makinë të madhe rreziku.
Çdo parti, janë grupe interesi. Siç u degradua PD. Është pragmatist, ka kuptuar që ka të korruptuar. Sigurisht, jo të gjithë. Rama ka gjetur mënyrën, jemi shoqëri problematike me korrupsionin. Rama ka gjetur filozofinë të bëjë ndryshme, të transfuzionin”, theksoi ai.
Çupi e cilëson kryeministrin Edi Rama si një strate të kujdesshëm. Analisti shtoi se Rama ka treguar se nuk i do koalicionet por shkëlqen me mënyrën se si fiton.
“Ajo çfarë shikoj te Rama është se është i kujdesshëm në sensin strategjik. I përpunon krizat, situatat sidomos në qendrën e civilizimit që është Evropa dhe funksionon duke ditur që është në një realitet të caktuar.
Njerëzve iu duket arrogant, por arroganca shpeshherë është e keqkuptueshme se sidomos Rama në jetën e tij ka qenë realizues më shumë sesa përkëdhelës për entorazhin. Marrim krizat e sotme që përjeton Evropa dhe si shfaqet Rama përpara tyre.
Gjithë veprimet në PS i lexoj si refleksion të tyre. Partitë në Francë treguan se janë të shkëlqyera për të bërë koalicione por nuk shkëlqejnë në arritjen e fitores. Ndërsa Rama i qëndron skenës tjetër, që nuk e do koalicionin por ama shkëlqen në mënyrën pë të fituar zgjedhjet. Shkëlqen në mënyrën për të bindur njerëzit”, u shpreh analisti.
