Papa Françesku u bëri thirrje këtë të mërkurë besimtarëve që të luten për popullin e Kinës për shkak të dëshirës së Vatikanit për të përmirësuar marrëdhëniet me Pekinin.
“Ne gjithmonë lutemi për këtë popull fisnik dhe shumë të guximshëm që ka një kulturë kaq të bukur”, tha Papa Françesku gjatë audiencës në Sheshin e Shën Pjetrit, raportoi Reuters.
Me atë rast, ai përshëndeti shoqatën që i bën homazhe të dërguarit të Vatikanit në Pekin.
Ndërkohë, vlerësohet se ka 10 deri në 12 milionë katolikë në Kinë.
Marrëdhëniet midis Vatikanit dhe Kinës janë rrënuar nga mosmarrëveshjet gjatë historisë, por prioriteti i Papa Françeskut është t’i normalizojë ato, tha agjencia.
