Kryeministri Edi Rama pati një pritje mjaft të ngrohtë nga presidentja e Kosovës, Vjosa Osmani, në ambientet e Presidencës në Prishtinë. Kreu i qeverisë shqiptare vizitoi Prishtinën, në kuadër të 25-vjetorit të Çlirimit të Kosovës.
Përpara takimit, Rama e përqafoi presidenten Osmani. Teksa po qëndron në Kosovë, Rama nuk ka pasur takim me kryeministrin e Kosovës Albin Kurti. Osmani nuk po i qëndron më në krah Kurtit, në anën e të cilit ishte rreshtuar dikur edhe për çështjet si betejat me akuza e kundër-akuza me Ramën.
