Ambasada amerikane në Tiranë ka reaguar në lidhje me vendimin e Apelit, për vulën, pasi Apeli ia ktheu Berishës.
Në një reagim për ABC News, ambasada e SHBA thekson se qëndrimi i saj në lidhje me këtë çështje është i qartë dhe se pozicioni i SHBA për non-gratat nuk ka ndryshuar, duke shtuar se nuk angazhohen me persona të shpallur sipas autoritetit të sanksioneve të SHBA.
“Pozicioni ynë në lidhje me individët e shpallur non-grata mbetet i pandryshuar; Ne nuk angazhohemi me persona të shpallur sipas autoritetit të sanksioneve të SHBA dhe të gjithë duhet të shqyrtojnë me kujdes se si punojnë me individë të shpallur nga SHBA. Angazhimet tona me aktorët politikë do të mbështeten fort tek përkushtimi që ndajmë ndaj së ardhmes euro-atlantike të Shqipërisë, përfshi sundimin e ligjit dhe luftën kundër korrupsionit. Siç ka vërejtur Presidenti Biden në mënyrë të përsëritur, lufta kundër korrupsionit është një çështje e sigurisë kombëtare për Shtetet e Bashkuara”, thuhet ne reagim.
