“Jeta politike vazhdon dhe unë nuk mendoj aspak se panem et circenses (bukë dhe cirk) mund të zgjidhë problemet. Por këto Lojëra do të sjellin një armëpushim. Do të takohemi me vendet e tjera të botës, do të gëzojmë atletët tanë, do të jetë një moment feste, uniteti”, u tha dje Emmanuel Macron gazetarëve.
Presidenti i Fracës vjen nga një muaj e gjysmë krize politike pa precedentë. Midis zgjedhjeve evropiane, shpërbërjes së Asamblesë Kombëtare, votimit të parakohshëm për një parlament të ri pa shumicë në një vend pa qeveri, përveç çështjeve aktuale. Por është optimist
Lojërat në zemër të Parisit janë një tjetër bast i Emmanuel Macron. Tregtarët dhe menaxherët e restoranteve përgjatë Senës janë të zemëruar. Zona gri dhe zona e kuqe janë të mbyllura dhe pothuajse të zbrazëta, parisienët janë larguar dhe turistët nuk po vijnë.
Parisienët “vdesin” të ankohen, por arsyeja tjetër është se për herë të parë në historinë e Lojërave ceremonia e hapjes nuk do të mbahet në një stadium por mbi Senë, përgjatë gjashtë kilometrave, nga Jardin des Plantes deri tek Kulla Eifel.
Me 300 mijë spektatorë, do jetë një spektakël prej gati katër orësh i përgatitur prej vitesh, që bëri të nevojshme bllokimin dhe sigurimin e një prej vendeve më të bukura në botë. Ceremonia e së premtes do të jetë momenti vendimtar për Parisin, për Lojërat dhe për Macronin.
Nëse gjithçka shkon mirë, pa incidente, pa atentate, pa greva, pengesa ndoshta më e vështirë do të kapërcehet dhe qyteti do të mund t’i dorëzohet gëzimit të sportit dhe garave midis mbi 10 mijë atletëve nga e gjithë bota.
“Unë jam i sigurt dhe i vendosur, si gjithmonë. Ne do të festojmë vlerat olimpike përmes dymbëdhjetë tavolinave dhe do të flasim për historinë e Francës”, thotë Macron. “Ne do t’i japim Francës një imazh paqeje, uniteti, diversiteti. Historia jonë do të jetë një histori respektuese ndaj ndjeshmërive të të gjithëve”. / bota.al
