Këngëtarja portugeze Misia ka ndërruar jetë në moshën 69-vjeçare dhe do të digjet në Lisbonë më 7 gusht, njoftoi këtë të hënë kompania e saj diskografike.
Susana Maria Alfonso de Aguiar, e njohur me emrin e saj artistik Misia, vdiq të shtunën në një spital të Lisbonës pas një sëmundjeje të gjatë, thanë të afërmit e saj për mediat lokale.
Krahas këngëtareve si Mariza, Ana Mura apo edhe Christina Branco, ajo i përkiste një brezi këngëtarësh ‘fando’ që kishin rinovuar këto këngë tradicionale melankolike vitet e fundit. Këngëtarja e ardhur nga Porto, që albumin e saj të fundit e publikoi në vitin 2022, kishte kënduar në shumë vende të huaja.
“Misia luajti një rol kyç në rinovimin e ‘fandos’, duke mos hezituar të eksperimentojë me intensitete të reja tingulli dhe qasje më pak konvencionale”, nënvizoi Ministria e Kulturës.
Presidenti portugez Marcelo Rebelo de Souza ka nderuar në një deklaratë të publikuar në faqen e presidencës, të dielën, një këngëtare pasionante ‘fando’ që bëri një karrierë “në udhëkryqin e muzikantëve të tjerë”.
