Me aktin e tij kafshëror, ndihmësmjeku Lennart A., 21 vjeç, vrau kolegen e tij Hannah F. po 21 vjeçe, duke e goditur 6 herë me thikë, në përfundim të një feste. Autori i krimit është dënuar me 13 vjet burg.
Vendimi u mor në gjykatën rajonale të Bielefeldit të hënën pasdite. Lennart A. u shpall fajtor për vrasje. Ai e pranoi vendimin në bankën e të akuzuarve.
Kryetari i trupit gjykues Carsten Nabel e dënoi ndihmës mjekun e urgjencës me 13 vjet burg, sipas ligjit penal për të miturit. Për shkak se u vërtetua pesha e veçantë e fajit, gjykata vendosi një dënim të gjatë me burg në vend të 10 viteve të zakonshme.
Në deklaratën e saj, prokurorja publike kishte kërkuar më parë dënim të përjetshëm sipas ligjit penal për të rriturit. Mbrojtja u shpreh pro zbatimit të ligjit për të miturit dhe bëri thirrje që i pandehuri të dënohet vetëm me tetë vjet burg.
Në fillim të gjyqit, në fillim të prillit, Lennart A. kishte rrëfyer se kishte vrarë kolegen e tij me gjashtë goditje me një thikë kuzhine.
Gjatë gjykimit, përmes deklaratave të dëshmitarëve u bë e qartë se Lennart A. vazhdimisht u përpoq të fitonte kolege nga shërbimet e urgjencës dhe të hynte në një partneritet me ta. Megjithatë, përparimet e tij zakonisht nuk ishin reciproke.
“Fantazitë e tij për vrasje, të cilat ai i shprehte vazhdimisht, nuk u morën seriozisht nga kolegët e tij”, tha kryetari i trupit gjykues. Dhe kjo është arsyeja pse Hannah duhej të vdiste.
Një ekspert psikiatrik zbuloi se Lennart A. kishte mangësi zhvillimi dhe mungesë pjekurie emocionale. Megjithatë, ai ia atribuoi atij përgjegjësinë e plotë.
“Nuk ishte urrejtja e Hanës ajo që e shtyu atë drejt krimit, por frika që kishte ai nga poshtërimi prej kolegëve të tij”, tha kryetari i trupit gjykues.
