Zëvendëspresidentja Kamala Harris është paraqitur sot në një tubim elektoral në Wisconsin, duke u pritur me brohoritje të mëdha nga turma.
Harris rha se “rruga për në Shtëpinë e Bardhë kalon përmes Wisconsin” dhe shteti do ta ndihmojë atë të fitojë zgjedhjet presidenciale këtë vit.
Sa i përket presidentit aktual Joe Biden, ajo tha se ka qenë një nga “nderimet më të mëdha” të jetës së saj të shërbejë si zëvendëspresidente për të.
“Trashëgimia e arritjeve të Joe gjatë gjithë karrierës së tij dhe tre viteve e gjysmë të fundit është e pakrahasueshme në histori,” tha ajo.
Ajo shtoi se është një “nder i madh” të ketë mbështetjen e presidentit në garën për Shtëpinë e Bardhë.
Harris më pas mori duartrokitje të shumta kur tha se ka siguruar mbështetjen e mjaftueshëm të delegatëve për të siguruar nominimin demokrat.
“Ne do t’i fitojmë këto zgjedhje, po do t’i fitojmë,” iu drejtua ajo turmës.
