Pep Guardiola është i shqetësuar për problemet e muskujve që ndikojnë në performancën e Erling Haaland. Pas ndeshjes miqësore me Barcelonën, të cilën Manchester City e humbi me penallti pas barazimit 2-2 në të 90-tën, trajneri shpjegoi pse e nxori norvegjezin nga fusha në pjesën e parë.
“Erling nuk është rehat”, pranoi Guardiola, duke shpjeguar se sulmuesi ka frikë: “Nuk duam të rrezikojmë. Por, herët a vonë, ai duhet të bëjë një hap përpara në stërvitje dhe minuta lojë. Sezoni po fillon, ai është në telashe, ne nuk duam të rrezikojmë dhe ta humbasim për tre javë ose një muaj. Po, ky do të ishte një problem.”
Erling Haaland luajti vetëm 45 minuta në secilën nga dy ndeshjet e fundit parasezonale me Milanin dhe Barcelonën.
City luan me Manchester United më 10 gusht, për Superkupën e Anglisë, përpara se të fillojë mbrojtjen e tyre në Premier League kundër Chelsea, dhe Pep Guardiola dëshiron (shumë) që ta ketë ‘bishën’ norvegjeze Haaland të aftë për ndeshjet zyrtare në fillim të 2024/2025.
