Ka shkuar në 25,35% pjesëmarrja në zgjedhjet e pjesshme të Himarës. Kjo është shifra e publikuar nga Komisioni Qendror i Zgjedhjeve, për procesin e realizuar deri në orën 13:00.
E përkthyer në numër votash, kanë ushtruar të drejtën e votimit 4839 zgjedhës në Bashkinë Himarë, nga mbi 23 mijë të regjistruar. Këto informacione i referohen 28 nga 36 qendrat e votimit që ka kjo bashki.
Të dhënat e kësaj ore nuk kanë ndryshim të madh me një vit më parë (14 Maj 2023), ku diferenca qëndron pak më shumë se 1% dhe procesi mbetet në vijim, ku pritet pjesëmarrje edhe më e madhe.
