Pas rikthimit në skenë me disa këngë, pas eksperiencës së tij në Big Brother, Luiz Ejlli ka vendosur që t’i futet botës së kinematografisë.
Përmes një postimi në Instagram, ai u ka zbuluar ndjekësve se skenari është thuajse në përfundim. Projektin e ri ai e ka marrë përsipër vetëm dhe do t’i duhet pak kohë për të gjetur bashkëpunëtorët. Luizi u premton ndjekësve se nuk do të zhgënjehen edhe sikur të duhet të paguajë gjithçka vetë, për kostot e filmit, që duhet thënë se nuk janë të pakta.
Por, ai ka zbuluar se do të ketë një partnere në film, emrin e së cilës nuk e ka zbuluar.
“Jam pothuajse në fund të skenarit për filmin e radhës. E merrni me mend se kush do të jetë partnerja ime? Meqenëse jam vetëm, do të më duhet edhe ca kohë sa t’i gjej, të biem dakord dhe të vendos për aktorët, ekipin e xhirimit, sponsorët etj. Ju jap fjalën që nuk do të zhgënjeheni, sikur edhe nga xhepi ta paguaj të gjithin. Dhe siç e dini, unë fjalën e mbaj”, shkruan ai në një postim në rrjetet sociale.
Kjo është hera e dytë që Luizi do të jetë pjesë e një filmi, pasi pas përfundimit të Big Brother, u bë pjesë e “Në kuadër të dashurisë”, prodhim i Top Channel, ku luajti në krah të Olta Gixharit.
