Joan Laporta, presidenti i Barcelonës, foli në konferencën për shtyp dje dhe gjithashtu shpjegoi zgjedhjen për t’i besuar pankinën Hans-Dieter Flick pas lamtumirës së Xavi Hernandez, duke i dhënë edhe një goditje këtij të fundit:
“I kërkojmë Flick-ut punë, profesionalizëm, që të jetojmë dita-ditës me intensitetin që të ofrojmë futboll që na pëlqen dhe do të mundohemi të biem dakord për të gjitha objektivat.
Pse nuk erdhi Nico Williams? “Më lejoni të mos flas për lojtarë që nuk janë tanët. Nuk do të komentoj për aspektet e lojtarëve që nuk i kemi në skuadër. Ka shumë lojtarë që duan të vijnë te Barça, ne e dimë këtë nga agjentët e tyre, por dijeni se klubi është në proces të rimëkëmbjes së plotë ekonomike.
Do të dëshironit të kishit Joao Felix dhe Joao Cancelo? “Në konfigurimin e ekipit që Deco dhe Flick krijuan, ata vendosën se nuk kishte kuptim t’i përfshinin ata. Ata ishin të huazuar dhe ndoqën rrugë të ndryshme. Joao është te Chelsea dhe Cancelo në Arabinë Saudite.”
