Kylian Mbappé pati një javë befasuese! Të hënën, shtypi spanjol sugjeroi se francezi, i dëmtuar kundër Alavés në kampionatin në fund të shtatorit, do të ishte larg fushës deri në fund të tetorit, me një rikthim të shpresuar kundër Barçës gjatë “El Classicos”.
Por të martën, ai ishte i pranishëm në grupin e Champions League për t’u përballur me Lille (humbja 1-0), madje u fut në gjysmë ore të fundit, në përpjekje për të rrëmbyer një barazim në veri të Francës, por më kot.
Ndërkohë, të enjten ai mungoi në listën e Didier Deschamps për takimin e tetorit me skuadrën franceze. I pranishëm në një konferencë për shtyp këtë të premte, Carlo Ancelotti tha më shumë për situatën e sulmuesit francez:
“Nuk dua të komentoj atë që thonë trajnerët. Mbappe kishte një problem, që duket i zgjidhur, por nuk është zgjidhur 100%, por ai është stërvitur normalisht. Sot Deschamps zgjodhi të mos e thërriste Kylian Mbappe (…).
Ekipi ynë mjekësor foli me ekipin mjekësor francez për temën e Kylian Mbappe, vendimi përfundimtar nuk është i yni,”- shpjegoi ai. Gjithsesi, ai do të mungojë për përballjen kundër Villarrealit këtë të shtunë në La Liga.
