Luiz Ejlli, këngëtari dhe fituesi i edicionit të Big Brother VIP Albania është dënuar me një vit burg nga Gjykata e Fierit por nuk do të shkojë në qeli. Kjo për shkak se bëhet fjalë për një vendim të Gjykatës së Shkallës së Parë dhe pritet që këngëtari ta ankimojë në Gjykatën e Apelit, e cila do të dalë me një vendim të formës së prerë.
“I pandehuri L.E, megjithëse i ishte hequr licensa nga Ministria e Drejtësisë, duke qenë ende në posedim të vulave të noterit, në bashkëpunim me të pandehurin F.A., kanë krijuar deklaratën noteriale me të dhëna të pavërteta, dhe më pas i pandehuri F.A., në datën 25.02.2022, e ka dorëzuar këtë deklaratë noteriale në ish-Prokurorinë Lushnjë”, thuhet në vendim.
Por, cila është historia e ngjarjes që çoi në dënimin e Ejllit me një vit burg?
Bëhet fjalë për kohën kur Luiz Ejllit i ishte hequr licensa e noterit me urdhër të Ministrisë së Drejtësisë.
Mirëpo, pavarësisht këtij fakti, këngëari kishte përdorur vulën e noterit për falsifikim dokumentesh për të justifikuar pasuritë e fituara nga aktiviteti kriminal të një personi. Bëhet fjalë për Fatmir Abdurramanin, të cilit Prokuroria Lushnje i kishte sekuestruar pasuritë me dyshimin se ishin ngritur me para me burim të aktiviteteve kriminale, konkretisht prostitucionit.
Deklaratën noteriale të vulosur nga Ejlli, Abdurramani e dorëzoi në ish-Prokurorinë e Lushnjës më 25 shkurt 2022.
Por, Prokuroria provoi se me të njëjtën datë, numër repertori e koleksioni që mbante kjo deklaratë noteriale, në regjistrin e ish-noterit Luiz Ejlli dhe në arkivën e akteve noteriale të hartuara prej tij, në vitin 2015, ekziston një deklaratë noteriale me palë të ndryshme.
Kështu, më dalë 2 tetor të vitit 2024, Gjykata e Shkallës së Parë të Juridiksionit të Përgjithshëm Fier përfundoi shqyrtimin gjyqësor të çështjes dhe vendositë deklarojë fajtor të pandehurit për faktin e dërguar për gjykim.
Luiz Ejlli u shpall fajtor për kryerjen e veprës penale “Falsifikimi i dokumenteve”, kryer në bashkëpunim, parashikuar nga neni 186 prag.2, i Kodit Penal, dhe u dënua me 12 (dymbëdhjetë) muaj burgim;
Fatmir Abdurramani u shpall fajtor për kryerjen e veprës penale “Falsifikimi i dokumenteve”, kryer në bashkëpunim dhe u dënua me 18 (tetëmbëdhjetë) muaj burgim.
Vendimi i Gjykatës:
Falsifikuan dokumente për të justifikuar burimin e paligjshëm të pasurive me prejardhje nga aktiviteti kriminal, me kërkesë të Prokurorisë Fier dënohet ish-noteri L.E. dhe shtetasi F.A.
Prokuroria pranë Gjykatës së Shkallës së Parë të Juridiksionit të Përgjithshëm Fier kërkoi dënimin me 12 muaj burgim të ish-noterit E.L., dhe shtetasit F.A. të akuzuar për kryerjen e veprës penale ‘Falsifikimi i dokumenteve’ kryer në bashkëpunim, parashikuar nga neni 186, paragrafi 2 i Kodit Penal.
Në kuadër të hetimeve të iniciuara nga ish Prokuroria pranë Gjykatës së Shkallës së Parë Juridiksionit të Përgjithshëm Lushnjë mbi procedimit penal nr. 388, të vitit 2022, me të pandehur, shtetasit L.E dhe F.A., rezultoi e provuar se i pandehuri F.A., në bashkëpunim me të pandehurin L.E., ish-noter, kanë falsifikuar deklaratën noteriale, të cilën i pandehuri F.A. e ka përdorur në Prokurori, për të justifikuar burimin e krijimit të pasurive të tij, të sekuestruara në kuadër të hetimeve të procedimin pasuror nr. 3 të vitit 2021, të ish Prokurorisë pranë Gjykatës së Shkallës së Parë Juridiksionit të Përgjithshëm Lushnjë.
Deklarat noteriale e hartuar nga i pandehuri L.E., ishte falsifikuar në përmbajtjen e saj, por mbante nënshkrimin e këtij të fundit. U provua se, me të njëjtën datë, numër repertori e koleksioni që mbante kjo deklaratë noteriale, në regjistrin e ish noterit L.E. dhe në arkivën e akteve noteriale të hartuara prej tij, në vitin 2015, ekziston një deklaratë noteriale me palë të ndryshme.
Konkretisht, i pandehuri L.E, megjithëse i ishte hequr licensa nga Ministria e Drejtësisë, duke qenë ende në posedim të vulave të noterit, në bashkëpunim me të pandehurin F.A., kanë krijuar deklaratën noteriale me të dhëna të pavërteta, dhe më pas i pandehuri F.A., në datën 25.02.2022, e ka dorëzuar këtë deklaratë noteriale në ish-Prokurorinë Lushnjë.
Në datën 02.10.2024, Gjykata e Shkallës së Parë të Juridiksionit të Përgjithshëm Fier ka përfunduar shqyrtimin gjyqësor të çështjes dhe vendosur të deklarojë fajtor të pandehurit për faktin e dërguar për gjykim, si më poshtë:
Prokuroria pranë Gjykatës së Shkallës së Parë Juridiksionit të Përgjithshëm Fier, shpreh angazhimin e plotë për hetimin dhe vënien para përgjegjësisë ligjore të personave që kryejnë vepra penale në fushën e falsifikimit të dokumentave, me qëllim realizimin e përfitimeve në mënyrë të paligjshme.
