Futbollisti uruguaian Sebastian Marset është një bos droge me pseudonimin “Mbreti i Jugut”, vula që përdori dërgesat e tij.
Gazeta “The Washington Post” i kushtoi reportazhin “Një jetë e dyfishtë: mbreti i kokainës që hiqet si futbollist profesionist”, ku ai rrëfen aventurat e trafikantit drogës që luan për ekipin profesional të Deportivo Capiata në Paraguaj.
Sebastian Marset, i cili aktualisht është 33 vjeç, është ndër trafikantët më të rëndësishëm të drogës në Amerikën e Jugut dhe ka qenë një nga figurat kryesore që qëndron pas trafikut të kokainës në Evropën Perëndimore.
Mbreti i drogës Sebastián Marset raportohet se përdorte futbollin për t’u kamufluar dhe pastruar para. Marset, në vend që të fshihej nga autoritetet, përdori ndikimin e tij dhe miliona euro që fitoi falë drogës për të blerë dhe sponsorizuar ekipe futbolli, të cilat i përdori për të pastruar para nga trafiku i drogës.
‘Mbreti i Jugut’ pagoi 10.000 dollarë për të luajtur me një ekip
Me blerjen e këtyre skuadrave ai u garantua se do të përmbushte ëndrrën e tij për të luajtur futboll, pavarësisht kushteve teknike të diskutueshme. Ai pagoi më shumë se 10.000 dollarë për të veshur fanellën me numrin 10 për Deportivo Capiatá-n, e cila luajti në Kategorinë e Dytë dhe përfundoi në Kategorinë e Tretë, dhe arbitrat nuk guxonin t’i jepnin faull.
Sebastian Marset, i cili sipas Zyrës së Prokurorit të Përgjithshëm të Paraguajit “vrau armiqtë e tij pa u penduar, duke kërkuar këshilla se si të zhdukte trupat e tyre”, është në kërkim nga Interpol. Ku është Sebastián Marset tani… apo futbollisti i njohur tashmë si Luis Amorim?
“Daily Mail” raporton se informacionet e fundit për Sebastián Marset janë të vitit 2023 dhe besohet se trafikanti i famshëm i drogës jeton në Bolivi dhe kontrollon ekipin e Los Leones El Torno FC.
Infobae raportn se Marset përdorte dokumentacion nga Konfederata Braziliane e Futbollit dhe luante në Bolivi me emrin Luis Amorim.
Gianina García Troche, gruaja e Sebastián Marset, u arrestua në korrik 2024 në Madrid.
