Kryetari i Komisionit të Posaçëm Antikorrupsion, Fatmir Xhafaj, ftoi sërish Partinë Demokratike të marrë pjesë në mbledhjet e këtij komisioni.
Në një deklaratë për mediat, Xhafaj u shpreh se partia më e madhe opozitare në vend ka marrë kërkesën për të sjellë ekspertët e tyre në Komisionin, por nuk ka thyer një përgjigje.
“I vetmi grup që mungon është PD, ata kanë zgjedhur një qëndrim të tyre në këtë çështje, si dhe në komisione të tjera. Ata kanë vendet e tyre në këtë komision, megjithatë u kemi bërë edhe kërkesë që të kenë ekspertët e tyre. Që të shfaqin opinionin e forcave politike që përfaqësojnë.
Kështu ka qenë dhe me reformën në drejtësi. Që kur filloi punën, nuk kanë marrë pjesë për një vit. Në mendimin tim nuk është zgjedhje e drejtë , po është zgjedhja e tyre”, tha Xhafaj.
