Dashi
Kjo do të jetë një javë e shkëlqyer për të lindurit në shenjën e Dashit. Qielli ju mbështet, duke e bërë këtë periudhë ideale për konsolidimin e lidhjeve ekzistuese ose hapjen e dyerve të reja në sferën sentimentale. Marrëdhënia me partnerin do të jetë e jashtëzakonshme dhe do të bëhet edhe më e fortë. Hëna do të jetë një aleate e çmuar e beqarëve për të lehtësuar tensionet. Në aspektin e punës ju pret një periudhë stimuluese me rezultate befasuese. Jeni në rrugën e duhur për t’i dhënë një shtysë të konsiderueshme karrierës suaj. Dashi mban vendin e parë.
Demi
Ditët në vijim do të karakterizohen nga një klimë e favorshme për realizimin e projekteve të shumëdëshiruara. Ndikimi i planetëve do t’ju japë shtysën e duhur për të vënë në zbatim idetë tuaja, duke e bërë këtë një periudhë ideale për të ndërmarrë nisma të reja. Në frontin sentimental, ata që janë në një marrëdhënie të qëndrueshme do t’i bëjnë ëndrrat e tyre realitet. Të vetmuarit të mos presin që fati t’u trokasë në derë, por të shkojnë ta kërkojnë. Në punë, një detyrë komplekse do të kërkojë përqendrim dhe vendosmëri, por më pas do të ndiheni të shpërblyer. Demi mban vendin e pestë.
Binjakët
Këtë javë do t’i kushtoni rëndësi qetësisë suaj shpirtërore. Për ata që janë në një lidhje, lidhja do të bëhet më e fortë falë harmonisë në çift dhe dëshirës për të ndarë momente të veçanta. Shoqëria e njëri-tjetrit do të jetë burim gëzimi dhe mbështetjeje. Për ata që janë vetëm, Hëna favorizon takime dhe miqësi të rëndësishme. Kjo është periudha ideale për të investuar për veten, duke iu përkushtuar aktiviteteve që përmirësojnë mirëqenien mendore dhe fizike. Në punë do të arrini t’i përballoni me shumë mjeshtëri situatat komplekse. Bashkëpunimi me kolegët dhe eprorët do të jetë i paçmuar për të arritur rezultate të shkëlqyera. Binjakët mbajnë vendin e shtatë.
Gaforrja
Ka ardhur koha për t’u rigjallëruar në çdo sektor të jetës. Detyrat dhe përparësitë do të jenë të fokusuara kryesisht te shtëpia dhe puna. Do ta gjeni veten të zhytur në një vorbull aktivitetesh, duke pasur më pak hapësirë për shpërqendrime. Duhet të tregoheni më praktikë në lidhje me detyrat e përditshme dhe të mos merreni me detaje të parëndësishme. Në fushën profesionale do të jetë një javë intensive, aftësia për t’u përshtatur do të jetë çelësi për të ruajtur ritmin. Në aspektin e ndjenjave, dashuria do të kalojë në plan të dytë. Bëni plane që në fundjavë të kaloni momente të veçanta. Ata që kanë një lidhje jashtëmartesore do të duhet të veprojnë me shumë kujdes, ndërsa ata që janë beqarë mund të përjetojnë emocione të reja ose të kenë një takim të papritur, që do t’ua shtojë entuziazmin. Gaforrja mban vendin e gjashtë.
Luani
Dashuria shkëlqen me një dritë të veçantë, duke ju dhuruar momente pasioni intensiv. Marrëdhënia me partnerin do të përmirësohet shumë, duke jua bërë jetën e përditshme më të bukur. Nëse jeni në kërkim të eksperiencave të reja sentimentale, jini gati për të kapur mundësitë që yjet do t’ju vendosin në rrugën tuaj. Besimi në veten tuaj do të jetë çelësi për të bërë për vete ata që ju interesojnë. Në vendin e punës, kjo periudhë premton të jetë veçanërisht produktive. Shfrytëzoni sa më shumë këtë fazë për të treguar kreativitetin dhe vendosmërinë tuaj. Suksesi nuk do të vonojë të vijë, duke sjellë një frymë entuziazmi. Luani mban vendin e tetë.
Virgjëresha
Planetët ju ftojnë që të reflektoni dhe të punoni fort me veten. Disa çifte mund të kenë mosmarrëveshje dhe keqkuptime. Jini të gatshëm ta dëgjoni njëri-tjetrin dhe të bëni një hap drejt pajtimit. Bashkëpunimi do të jetë thelbësor për të rigjetur harmoninë. Për ata që janë beqarë, kjo është periudha më e përshtatshme për të kuptuar se çfarë kërkoni. Biseda me miq të besuar mund të jetë e dobishme për të pasur një pasqyrë më të qartë të situatës. Në planin financiar, një rishikim i kujdesshëm i shpenzimeve dhe të ardhurave do të jetë i dobishëm për të planifikuar më mirë lëvizjet e ardhshme. Në punë, veproni me kujdes dhe përgatituni të përballoni çdo ngjarje të papritur. Virgjëresha renditet në vendin e dhjetë.
Peshorja
Qielli do të ndriçojë këtë javë, duke premtuar kënaqësi të madhe në aspekte të ndryshme të jetës. Hëna në pozicion të favorshëm sjell energji pozitive në marrëdhëniet e dashurisë. Jini të durueshëm, por mundohuni me çdo kusht që të gjeni mirëkuptimin me partnerin. Për ata që janë beqarë, kjo është një periudhë ideale për të qenë të hapur ndaj mundësive të reja. Tregohuni të sinqertë dhe bëjini për vete ata që ju interesojnë me çiltërsinë tuaj. Në nivel profesional do të keni mundësi të bini në sy falë aftësive tuaja. Kjo është koha e duhur për të propozuar ide ose për të qenë pro ndryshimit. Bashkëpunimi me kolegët dhe eprorët do t’ju lejojë të ndërtoni terren pjellor për sukses. Peshorja mban vendin e dytë.
Akrepi
Ju pret një periudhë suksesi, gjatë së cilës mund t’ju hapen dyer të rëndësishme si në fushën profesionale ashtu edhe në marrëdhëniet personale. Jini të gatshëm t’i prisni këto mundësi me besim dhe vendosmëri. Në vendin e punës do të mbretërojë qetësia, për sa kohë që nuk përfshiheni në polemika të panevojshme. Mbajtja e një qëndrimi diplomatik do të jetë strategjia fituese. Në dashuri, ata që janë në fillim të një lidhjeje do të gjejnë një mënyrë për të kapërcyer çdo tension, duke ndërtuar një lidhje më të fortë falë mirëkuptimit më të madh reciprok. Beqarët mund të ndiejnë njëfarë pasigurie, por mos u dëshpëroni, era do të kthehet në favorin tuaj dhe do të keni takime interesante dhe të papritura. Akrepi mban vendin e katërt.
Shigjetari
Ju pret një javë energjike, e ndriçuar nga Venusi. Do të bëni projekte të reja dhe do të përjetoni momente gëzimi në praninë e njerëzve të dashur. Kjo është periudha e përsosur për të planifikuar një arratisje romantike ose për të realizuar një dëshirë të përbashkët me personin e zemrës. Për ata që janë në çift, dialogu dhe mirëkuptimi do ta bëjnë lidhjen edhe më të fortë. Beqarët do të mund të shfrytëzojnë emocionet pozitive për të thelluar njohjet apo për të nisur aventura të reja sentimentale. Kreativiteti do të jetë gjithashtu një pikë e fortë në punë. Plutoni do të sjellë risi dhe mundësi të papritura. Bëhuni gati të përjetoni një surprizë pozitive që mund të ndryshojë rrjedhën e ngjarjeve. Shigjetari mban vendin e tretë.
Bricjapi
Nuk pritet që kjo të jetë një javë dhe aq e mirë. Yjet ju ftojnë të reflektoni dhe të bëni dialog. Ju mund të ndjeni pakënaqësi në jetën tuaj të përditshme, veçanërisht në sferën sentimentale. Mos lejoni që shqetësimet e vogla të bëhen male të pakapërcyeshme. Komunikoni me njerëzit tuaj të dashur për çdo dyshim që mund të keni. Një bisedë e sinqertë mund të sjellë qartësi dhe qetësi. Nëse e ndjeni të largët partnerin, një gjest dashurie ose një dhuratë e vogël mund të ringjallë pasionin. Për ata që janë vetëm, yjet sugjerojnë të fokusohen për të gjetur ekuilibrin e tyre të brendshëm, të presin zakonet joproduktive dhe t’i përkushtohen projekteve personale. Në punë kushtojini vëmendje dinamikës me kolegët. Është më mirë t’i shmangni tensionet e panevojshme, veçanërisht nëse dikush përpiqet t’ju vërë në provë. Bricjapi mban vendin e dymbëdhjetë.
Ujori
Qielli ju fton të tregoheni të qetë dhe diplomatë. Në sferën sentimentale, veçanërisht për marrëdhëniet e reja, mund të shfaqen keqkuptime të vogla. Sqarojini ato me mençuri dhe tregohuni praktikë, që të gjeni një pikë takimi mes jush. Për ata që janë në kërkim të shpirtit binjak, kjo fazë astrale nuk është veçanërisht e favorshme, por përfaqëson një mundësi për të punuar me veten dhe për të korrigjuar qëndrimet që mund të ndërhyjnë në marrëdhëniet e ardhshme. Në fushën profesionale, organizimi i kujdesshëm do t’ju ndihmojë të menaxhoni më mirë angazhimet, duke shmangur gabimet që lidhen me shpërqendrimin. Qëndroni të fokusuar për të përfunduar me sukses detyrat. Ujori mban vendin e nëntë.
Peshqit
Fillimi i javës mund të rezultojë më kompleks se sa pritej, me emocione të luhatshme dhe divergjencë mendimesh. Hëna në shenjën e Shigjetarit thekson kërkimin për aventura stimuluese, por është e rëndësishme të mos merreni me gjëra kalimtare. Jini të qartë në marrëdhëniet tuaja, si personale ashtu edhe profesionale, për të shmangur keqkuptimet. Në marrëdhënien tuaj romantike, mbajeni të hapur kanalin e komunikimit, veçanërisht nëse ka çështje të papërfunduara. Për ata që janë beqarë, njohjet e reja mund të jenë interesante, por peshojini gjërat mirë. Në vendin e punës jini më të organizuar, në mënyrë që të përballoni me sukses çdo ndërlikim dhe përqendrohuni në gjërat thelbësore, duke lënë mënjanë shpërqendrimet. Peshqit mbajnë vendin e njëmbëdhjetë.
