“Social Top 5” është një rubrikë e emisionit “Live From Tirana” që sjell vëmendjen te personazhet e famshëm, qofshin ata shqiptarë apo të huaj. Teksa të gjithë jemi gjithë sy e veshë se çfarë postojnë yjet në rrjete sociale, kjo ndikon dhe tek numri i tyre i ndjekësve në “Instagram”. Le t’i hedhim një sy personazheve që kanë fituar më shumë ndjekës brenda kësaj jave…
Kiara Titon e shohim tanimë çdo të diel në ekranin e Top Channel si një nga moderatoret e show-t të humorit “Portokalli”. Natyrisht që fansat e saj dhe publiku e kanë pritur mjaft mirë këtë rikthim të sajin në ekran. Kiara ka fituar 2 mijë ndjekës dhe tani numëron 844K.
Sa i përket partnerit të saj, Luiz Ejlli, ai ka qenë pjesë e “Portokalli” të dielën e shkuar, ku surprizoi publikun në rolin e aktorit. Luizi ka fituar 1 mijë ndjekës dhe numëron tani 641K.
Bora Zemani nga ana tjetër, ka nisur emisionin e saj më të ri në Top Channel, “Piramida”. Ky game-show vjen për herë të parë në Shqipëri, ku dy familje të mëdha do të përballen çdo javë me njëra-tjetrën, secila për të synuar çmimin e madh.
Bora ka fituar këtë javë 1 mijë ndjekës më shumë dhe numëron 1.1M fansa në “Instagram”. Javën e kaluar, këngëtarja e njohur shqiptare, Dafina Zeqiri, ka kurorëzuar dashurinë e saj me biznesmenin Kreshnik Gjergji në një dasmë madhështore që tërhoqi vëmendjen e shumë të ftuarve VIP. Dafina ka fituar 2 mijë ndjekës më shumë dhe numëron 2M fansa në “Instagram”.
Një vëmendje mjaft të madhe ka marrë dhe Bleona Qereti. Para pak ditësh Bleona ka risjellë me origjinalitetin e saj një nga hitet që shqiptarët e duan shumë, e kemi fjalën për “Stani”-n e Tefta Tashko Koços. Artistja ka fituar 1 mijë ndjekës dhe numëron këtë javë 637K. /TAR/
