Zhvendoset në Kuvend debati për komisionin hetimor të shëndetësisë.
Deputetët e PD-së kërkojnë zgjatjen e afatit të komisionit hetimor. Ndërkohë Bardhi kërkoi dhe të merren masa për atë që e quajnë kërcënim nga Ilir Beqaj.
Merrni masa që një kriminel në burg i ka bërë deputetëve në ambientet e kuvendit.Lejoni funksionimin normal të komisionit hetimor.
Kush është kriminel e përcakton prokuroria e Gjykata. Në kuvend vjen si dëshmitar dhe duhet ti jepet mundësia.
Lidhur me opozitën dhe PD-në nuk ka asnjë deputet të përjashtuar dhe të gjithë mund të jenë në sallë.
Në hyrje të Kuvendit nuk janë të pranishme masat e marra në seancat e mëparshme nga Garda e Republikës.
Në nisje të seancës së sotme plenare deputeti demokrat Flamur Noka ka debatuar me kryeparlamentaren Elis Spiropali. Noka përmedni seancën e djeshme në hetimorin e shëndetësisë, duke theksuar edhe një herë Ilir Beqajn si hajduti 2 metra. Por Spiropali i tërhoqi vëmendjen të mos fyejë askën dhe të vijojë me rendin e ditës.
‘Noka: I burgosur për vjedhje guxon të sulmojë të agresojë Kuvendin e Shqipërisë, deputetët e komisionit hetimor të shëndetësisë. Në vend të jap llogari, ishte i thirrur në betim.
Spiropali: Çdo njeri ka të drejtën e dinjitetit, mos përmendni.
Noka: Zonjë, një hajdut, 2 metra i gjatë ka vetëm dinjitetin e hajdutit.
Spiropali: Ju tërheq vëmendjen. Nuk është procedurë kjo.
Noka: Ajo sjellje tregon qasjen tuaj për të mbrojtur hajdutët. Të njëjtët gjë që bëtë me Olta Xhaçkën, me Frida Krifcën. Megjithëse i burgosur u përpoqët tjetërsoni. Shkelni çdo normë. Komandanti i gardës duhet të mbajë përgjegjësi. Mbrëmë pa asnjë punonjës garde në sallën ku zhvillohej komisioni. Hajduti 2 metra bashkë me avokatin guxonin të intimidonin deputetët. Edhe ju në sallën e Kuvendit keni urdhëruar gardën
Spiropali: Zoti Noka përfundoni, edhe pse nuk ishte për procedurë. Nuk ka penguar kush as hetimin.’
