Djali i Princeshës së Kurorës së Norvegjisë është arrestuar nën dyshimin për përdhunim, ka njoftuar sot policia norvegjeze .
Marius Borg Hoiby, 27 vjeç lindi para se nëna e tij Mette-Marit të martohej me Princin e Kurorës Haakon dhe të bëhej princeshë në vitin 2001. Ai u arrestua për shkelje të kodit penal që ka të bëjë me “marrëdhëniet seksuale me dikë që është pa ndjenja ose për arsye të tjera nuk është në gjendje t’i rezistojë aktit .”
Policia saktësoi se ai akuzohet se ka kryer një “akt seksual pa marrëdhënie” ndaj një viktime që thuhet se nuk ka mundur t’i rezistojë aktit.
Viktima e supozuar është një grua rreth të 20-ave e cila nuk e njihte Hoiby përpara se ta takonte atë ditën e incidentit. Ajo nuk ishte në një lidhje me Hoiby.
27-vjeçari u arrestua mbrënjen e të hënës vonë dhe po mbahej në një qendër paraburgimi. Avokati i tij, Oyvind Bratlien, i tha transmetuesit publik norvegjez NRK se ai e mohon akuzën.
NRK raportoi se Hoiby tani është akuzuar për vepra të ndryshme kundër pesë personave të ndryshëm – katër gra dhe një burrë. Tre nga gratë kanë qenë në një lidhje me të, raportoi NRK, duke shtuar se ai është akuzuar për abuzim në marrëdhënie të ngushta ndaj të tre grave.
Në gusht, policia e akuzoi 27-vjeçarin për sulm dhe dëmtim kriminal pas një incidenti të dhunshëm në një apartament në Oslo që dyshohet se përfshinte një nga tre gratë. Kjo grua ishte në një makinë me të kur ai u arrestua të hënën, tha policia.
