Asist dhe gol. Ishte kjo mënyra perfekte për t’u përshëndetur me tifozët e Partizanit, para se të nisë përvojën e tij të parë jashtë Shqipërisë me skuadrën Kolos Kovalivka në Ukrainë.
Arinaldo Rrapaj largohet si hero nga të kuqtë, pasi ishte ai që ‘vulosi’ me asist dhe gol fitoren ndaj Vllaznisë (2-0), duke prishur një seri me rezultate negative: tri barazime dhe një humbje në katër takimet e fundit.
Partizanit, por edhe kampionatit elitar shqiptar do t’i mungojë virtuoziteti i Rrapajt, një futbollit me aftësi të jashtëzakonshme teknike, që mund të zgjidhë ndeshjen në çdo moment.
