Nëse ke kaluar kohë në TikTok këto ditë, me siguri ke parë që 3 dhjetori është bërë një temë e nxehtë në “FYP”. Por çfarë ka kaq speciale kjo datë dhe pse po përmendet kaq shumë? Ndoshta nuk është as ditëlindja jote, as ndonjë festë, por për TikTok-un ka një domethënie krejt tjetër… dhe lidhet me trikot!
Gjithçka nis nga një këngë e njohur e Conan Gray, “Heather”, e publikuar në vitin 2020, e cila është bërë një himn i vërtetë në TikTok. Në vargun e parë të këngës ai thotë: “Më kujtohet ende, 3 dhjetori, unë në trikon tënde. Ti the se më qëndronte më mirë mua se ty.” Dhe ky varg është bërë një obsesion për përdoruesit e TikTok-ut që nga viti 2020.
Ky trend ka bërë që njerëzit të lidhin datën 3 dhjetor me trikot dhe dashurinë e fshehtë. Disa planifikojnë t’i dhurojnë një triko të dashurve të tyre atë ditë, ndërsa të tjerë shpresojnë që dikush t’u japë një triko si shenjë afeksioni. Praktikisht, 3 dhjetori është kthyer në një ditë të ëmbël për të treguar ndjenja… me një triko!
Nëse dikush të fton për kafe më 3 dhjetor dhe vjen me një triko të madhe, dije që ndoshta është një mesazh i fshehur. Në realitet, nuk dihet sa njerëz e ndjekin këtë trend, por në TikTok është një simbol nostalgjik i një kënge që nuk del kurrë nga moda.
@viktoriab114
