Drejtori i Policisë Rrugore në Policinë e Shtetit, Altin Qato i pyetur lidhur me protestat e opozitës, e cila në kuadrin e mosbindjes civile, prej shtatorit, bllokon akset rrugore, tha se e drejta e protestave apo tubimeve keqinterpretohet.
“Nuk mund të tubosh duke bllokuar aksesin për qytetarët. Nuk mund të protestosh që të bllokosh akset rrugore.
Kushdo ka të drejtë të protestojë, por jo duke u kthyer në pengesë për qytetarët. Policia njoftohet, por nuk jep leje që të bllokosh rrugët.
Policia nuk mund të tërhiqet, duhet siguruar jeta e ccdo njeriu, sepse mund të ketë përplasje mes individëve, ndaj edhe ndërhyn, s’mund të bëjë sehir.
Policia nuk ka ndërhyrë forcërisht i ka drejtuar apel që të hapen rrugët. E drejta ime nuk duhet të cënojë të drejtën tuaj”, tha Qato në emisionin “Opinion” në News24 .
